प्रेमभंग

-- शब्द माझे मज सोडुन गेले.......

Monday, April 25, 2011 12:15 PM Posted by Ram Ghadigaonkar

शब्द माझे मज सोडुन गेले

कवीतेचे घर मोडुन गेले

विनवणी केली मी त्यांना

आज मलाच ते रडवून गेले

कश्या करू मी कवीता

झालो मी पुरता रीता

कशी करू मनधरणी

कळेना मज काही आता

मी असा काय गुन्हा केला

शब्दांनी का मज दगा दिला

शब्द बोलले सांगु लागले

तुच तर फसवीलेस आम्हाला

अरे वेड्या शब्द हे आहे हत्यार

जाई काळजाच्या आरपार

तु का विचार केला नाही

चालवले ते शब्द बेसुमार

शब्द बोलता ना तोलुन घे

त्यांना सोबत जगुन घे

वापर त्यांना कुठेही आधी

त्यांच्याही भावना जाणुन घे

कळले मला दु:ख शब्दाचे

नाते जुळले आमचे प्रेमाचे

करतो मी आज कवीता

भान ठेवतो शब्दाच्या वारांचे

शब्दही देती साथ मला

मी ही जपतो त्यांच्या भावनेला

जगतो त्यांच्या समवेत

रंगवीतो शब्दांनी कवीतेला

.